汪琳去年小產留陰影

藝人汪琳昨日與女兒Kesha出席活動時透露去年不幸小產，現正努力調理身體再計劃生B，但坦言留有陰影：「其實都有唔開心，依家身體好番啲！（點解會小產？）我都唔知，佢（女兒）比較黐我，成日要我抱，初初啲人話咗唔好抱，我又成日抱佢又幫佢沖涼，踎低又起身，有一日做完活動，返屋企瞓咗一陣間，流晒血，之後就入醫院。（當時有咗幾多個月？）6、7周，都未穩定，今年再努力啦！」同場的黃婉君則透露希望推出自己研發的天然嬰兒產品，現正評估產品價格。