歌手Kellyjackie昨日在電話中承認好姊妹Jinny近年要孭起頭家，壓力倍增，更曾在訴苦時淚流滿面：「知佢寫封信畀細佬。（細佬同媽咪鬧交？）咁就唔知，少同佢傾家事。（Jinny搵過你傾心事？）有，係佢入行先識佢，所以好少傾佢細個嘅嘢，作為朋友做聆聽者兼盡量陪佢、開解佢，加上家家有本難唸的經！知佢孭起頭家大壓力。（陪佢旅行減壓？）佢有講過，但大家啲期難夾。」她透露已有個多月冇見吳母，問到吳母是否常發一對仔女脾氣？她說：「每次見都係食飯，佢好Nice同Funny，始終佢腦部受過傷，性格係有啲轉變。」

Kellyjackie不時相約Jinny睇戲食飯，卻難插手對方家事。

溫家偉指不清楚「千字文」事件。（資料圖片）

至於「緋聞男友」溫家偉表示不清楚Jinny家事，亦不了解對方的童年生活：「唔清楚亦冇睇過呢篇文，作為好朋友一定會支持佢，平時得閒都會聯絡食吓飯，有機會一定開解佢！之前Jinny媽咪有事都有陪佢探病，佢哋母女感情好好，而Jinny細佬又跟過我哋出去玩，佢好乖好生性，相信佢會明白媽媽同家姐嘅苦心。」