外表甜美的陳詩欣（Eunice）拍MV首次挑戰濕身戲，為慎防走光更執齊廿套打底衫褲「傍身」！而Eunice今次更是「傻人有傻福」，扮蠢「抽水」，勁摸靚仔MV男主角朱鑑然的六舊腹肌！

怕水的陳詩欣挑戰拍淋水濕身戲，笑言不怕走光只怕凍親。

陳詩欣、 余香凝

陳詩欣攬朱鑑然的腰時乘機摸其腹肌。

朱鑑然「飛釘」，結果當場要黐乳貼。

余香凝與朱鑑然有親熱床戲。

新人歌手陳詩欣推出第二首新歌《蠢》，歌如其名演繹「蠢女孩」的盲愛故事，她說：「今年計劃出三首歌，三首都係關於女仔喺感情問題上嘅心路歷程，好想唱一啲令人聽到心嗡嘅歌，因為好多時大家去唱K都係想發洩，今次呢首係講個女仔愛男友愛到就算對方出軌都仲自欺欺人。」

天生畏水大挑戰

Eunice於MV中有一場在浴室的處女濕身戲，她自言一向很怕水，游水亦不敢，故今次的濕身戲是一大挑戰，為拍攝這一幕她更是「做足工夫」，並笑說：「有濕身戲又有打鬥場面，會着住件長恤衫淋水，我已經打晒底，拍前一日仲執咗廿件打底衫褲！」她表示已有十足把握不會走光，反而擔心轉天氣容易冷病：「我最大頭蝦係唔記得帶毛巾，咁啱轉天氣，希望唔會病啦，好彩公司應該都好錫我，唔會畀我淋凍水。」

攬腰偷摸腹肌

MV還邀來型男美女朱鑑然（Kevin）和余香凝（Jennifer）傍住Eunice拍攝，雖然只有Kevin與Jennifer拍親熱戲，但Eunice亦有機會孖住姊妹「抽水」，又激讚Kevin：「上次拍MV冇男主角，《蠢》就有呢個靚仔又高大，仲有六舊腹肌嘅Kevin，雖然冇親熱戲，但有得輕輕挨住佢膊頭同箍住佢條腰，唔小心摸到小小（腹肌）啦！」她更爆料指身材逼爆的Kevin於拍攝期間「飛釘」，結果要尷尬當場「黐乳貼」。

文：專案組　

攝：吳文聰