有「E Cup Iris」之稱的鍾采羲即將拍攝新片《鴨王2》，經常以性感形象示人的她，底線是三點不露，但她直言不介意跟靚仔拍肉搏戲！

從未拍過親熱戲的Iris表示底線是三點不露。

Iris擁35E身材，更表示不介意與靚仔拍肉搏戲。

Iris任老闆王晶安排角色。

Iris（左一）獲捧做「晶女郎」，更會在新戲中與何浩文有激情戲份。

擁有35E噴血身材的鍾采羲（Iris）早前簽約王晶公司成為「晶女郎」，隨即獲安排參與新片《賭城風雲Ⅲ》和《鴨王2》，跟唐紫睿（Hazel）、文凱玲（Connie）齊齊於《鴨2》片擔大旗，可惜電影由3級「降Grade」到2B級，令一眾宅男大感失望！

冇拍過床戲

向來形象性感的Iris，原來從未拍過親熱或床戲，她表示有機會也不介意挑戰：「如果唔係露得過分嘅話，我都OK，因為未試過，有個靚仔畀我拍幾好。（車震？）睇吓對手靚唔靚仔啦。」曾於電影《唐伯虎衝上雲霄》與林子聰（肥仔聰）做對手戲的她，笑說兩人已合作兩次，稍後則會跟「鴨王」何浩文（Dominic）合作。問到是否嫌棄肥仔聰？Iris即嬌嗔道：「佢唔嫌我，我都唔會嫌佢，但如果有第二個梗係好啦！我唔會抗拒，有好多演員都欣賞，我鍾意譚耀文、陳坤，其實畀任何一個靚仔我已經好開心！」

任老闆安排角色

提到王晶捧紅過不少性感女神，包括邱淑貞、李麗珍和張敏等，更喜歡挑戰女星的性感尺度，她強調底線是三點不露：「首先一定唔可以露點！每個演員都有唔同底線，簽約時我同老闆講好咗底線去到邊，喺我底線之下任由佢安排角色。（點解咁錫身？）雖然我思想大膽，但都係有啲保守。」

文：影視組

攝：吳文聰