唱作人馮曦妤（Fiona）及黃浩琳（Lilian）日前出席活動，已五年冇出碟的Fiona與Lilian同樣在籌備新碟，二人表示有意互相寫歌給對方，Lilian更大讚Fiona寫的歌正面和溫暖。不過，Fiona透露新碟較多慘情歌：「可能講多啲感情事，大家都未聽過，原來我都會唱啲咁慘嘅歌！」她坦言歌曲內容有部分是自己的親身經歷，問到感情路上是否曾被傷害？她說：「都係嗰啲啦！可能好鍾意一個人，但其實根本唔夾嘅，會有啲好無奈嘅感受。」Lilian則說：「可以借寫歌將啲唔開心嘅嘢抒發出嚟，係好事！」

馮曦妤（左）與黃浩琳同樣熱愛音樂，更有意互相寫歌。