Twins為慶祝入行十五周年舉行的跨年演唱會，自公布後售票反應熱烈，更有不法之徒借勢兜售假門票，兩人呼籲歌迷不要受騙。

Twins揸槍射氣球，姿勢十足！

阿Sa建議Mani表演一字馬，引起全場大笑。

組合Twins昨日盛裝亮相，為其籌備多時的跨年演唱會《#TWINS #LOL #LIVE IN HK》開記招，活動中播出她倆以狙擊手打扮的宣傳短片，並宣布將加開明年10月3日一場，合共4場。她們又提到早在門票未公開發售前，網上已驚現有人兜售除夕夜的第一行門票，故特此呼籲歌迷別受騙：「近來騙案特別多，歌迷要小心。」

想請霆鋒做嘉賓

活動上司儀問到屆時可會再表演招牌的「側手翻」時，阿Sa笑說：「既然大家咁想睇，都可以嘅。」同時又提議邀請經理人霍汶希（Mani）和吳雨一同表演，笑稱可表演一字馬及跳火圈，但阿嬌表示更想邀請謝霆鋒來任表演嘉賓。

舞台製作費驚人

她倆受訪時表示加一場不夠，希望可以再加場。阿Sa透露因不少樂迷撲不到除夕夜的飛，連Sa爸的飛都拿來應急：「內地歌迷話已經訂晒酒店機票，所以就讓阿爸啲飛畀佢哋，搞到佢要打畀Mani求救。」她們又透露舞台花費驚人：「最重要係個台唔可以帶返內地巡迴，唔想浪費，所以希望可以唱多幾場。」

文：音樂組　

攝：嚴偉國