經常被指愈變愈靚的傅穎，昨晚出席活動時，樣貌又變得精緻，對此她沒好氣地指大家無非想知道她有否整容：「大家覺得有就有，冇就冇！」不想再解釋。她覺得是懂得打扮和化妝，所以樣子都「進步」了。

Theresa聲稱識打扮和化妝，才愈大愈靚。

高以翔想在香港和內地置業，並自認筍盤，JM則視男友為結婚對象。

屢傳整容的傅穎（Theresa），昨晚出席活動時鼻子看來更筆直，雙頰更是脹卜卜，被指樣子又變得精緻，對此她說：「多謝你o地，每次我出o黎都話我個樣精緻o左，都咁多年，可能太耐冇見我，印象停留o左o係十幾年前。（你o的朋友有冇覺得你唔同o左樣？）十幾年、幾個月、幾日你o地都話我個樣唔同o左，我Keep住回覆都冇乜意思，你o地無非都係想知我有冇整過。大家覺得有就有，冇就冇啦！已經到o左一個唔需要解釋o既地步。（咁你覺得呢？）我覺得自己愈大愈進步，識打扮同化妝，睇番自己十年前個樣都有o的驚訝！我每次出o黎都話我個樣精緻o左，觀眾都悶啦！」

高以翔自認筍盤

同場的台灣型男高以翔以代言人身份出席，問到可有收藏腕錶？他說：「有。（最貴要一百萬嗎？）還未到一百萬，差一點，腕錶是男生的珠寶，可以用來投資，但自己未到投資的地步。（你投資在哪方面？）聰明的人都會投資在房地產，要看地方跟市場需要。自己在台灣跟溫哥華都有房子，在香港都想有自己的房子。（你賺很多？）不是賺很多，要慢慢研究。（目標是全世界都有自己的房子？）要做夢嗎？主要地方先買，下一個目標是香港、上海、北京都想有自己的房子，有回到家的感覺。（你也是筍盤？）可以呀！我算是很安全的投資。」

JM催Baby生B

另一嘉賓Janice Man（JM）坦言不會到上海出席昔日好友Angelababy的婚禮，但會補送結婚禮物，她很替對方高興，希望Baby快些生個肥肥白白的BB。問到可會羨慕對方？JM稱一直是平常心、隨緣，現已找到合適的人，與男友有共識：「依家係最開心o既，步伐一致，大家都事業心重，但又見到將來，唔急，係最冇壓力。」至於可會視男友為結婚對象？她即甜笑說：「OK啦！真係幾開心。」

文、攝：名人組