桃花旺盛的女歌手吳若希（Jinny）因與無綫藝員黃子恆赤柱夜會而傳緋聞，身在外地的Jinny昨日透過訊息表示彼此只是好友：「朋友食飯，冇咩特別，我哋識咗好多年，佢好似哥哥咁。」昨日子恆在電視城出席江南水鄉啟用典禮，亦否認與Jinny撻着：「大家識好耐，只係一齊食飯。（有發展機會？）暫時係朋友，唔敢講冇機會，佢係好女仔，又高又瘦，性格好好。」曾與子恆傳緋聞的李佳芯（Ali）接受電話訪問時，否認曾拍拖，亦不知子恆與Jinny的緋聞關係：「我唔八，同子恆只係朋友，冇傾私人嘢，但覺得佢哋幾襯，如果拍拖係好事。」

吳若希表示與黃子恆只是朋友食飯。

黃子恆（左起）、朱晨麗、蔡思貝與洪永城出席江南水鄉啟用典禮。

另外，跟子恆同場的蔡思貝表示新劇《味想天開》角色要跳舞賺錢及在青樓做妓女，洪永城口花地說：「睇咗佢跳舞睇到流鼻血！」