林欣彤昨日擔任無綫節目《姊妹淘》嘉賓時透露，現養了兩隻狗：「有隻幾奇怪，鍾意食自己便便，另一隻就好單純，叫佢做咩都做，都有諗過帶佢哋去狗學校。」她坦言男士愛狗會加分：「最好男朋友都鍾意狗，可以陪我放吓狗。（會揀狗定男朋友？）我會揀狗，因為冇得唔要，養得就一世。」

林欣彤表示男士愛狗會加分，鄭俊弘則希望多了解愛犬。

節目由專家分析狗隻心理，同場的鄭俊弘希望了解愛犬：「想知佢開唔開心，雖然佢已經多嘢玩，但偏偏咬爛晒啲嘢，好似梳化、電線，可能做嘢冇乜時間陪佢，唔使做嘢會陪佢行多啲街。」