樂瞳和黃心穎等昨日出席《善心滿載仁愛堂》記者會，天生童顏的樂瞳穿低胸貼身裙露Bra帶、騷事業線和美腿，非常性感！她表示想予人成熟的感覺，又稱獲好友大讚有女人味，問到是否多了追求者？恨拍拖的她大呻：「冇呀！我想做嘢多啲，希望做主持畀人穩定嘅感覺多啲，盡量向成熟穩重路線邁進。」

樂瞳

樂瞳晒事業線又露Bra帶，力谷女人味。

陳庭欣玩遊戲時，怕爆波而嚇到合埋眼！

黃心穎、麥明詩和梁烈唯出席記者會。

樂瞳透露正修讀紅酒課程，希望到法國、澳洲學釀酒：「將來未必繼續喺娛樂圈發展，如果有日老喇！觀眾唔鍾意睇我，我都希望有第二個事業。」

台慶劇《東坡家事》即將播出，同場的黃心穎表示無懼演技被批評。

此外，有「負評王」之稱的梁烈唯，否認拖累節目《男人經》被腰斬，並指該節目將轉形式再做：「我邊有咁大能耐呀！個節目係停咗，不過絕對唔係因為我嗰件小事。」