「木偶哥」林師傑（Auston）及譚嘉儀昨日出席音樂活動，Auston表示很喜歡與嘉儀一同做騷：「我哋默契好好，我可以大膽窒佢，佢都唔會嬲！（會合唱？）我哋合唱嘅市價係六十萬。」而Auston的女友歐陽巧瑩將於月底生日，他透露女友希望收到他製作的唱片做禮物，令他非常頭痛：「我想做好啲先送，希望完成到，但都好開心佢想聽我嘅歌！」他又笑言寫了兩首老土情歌給女友，以歌詞直接表達愛意：「我都怕唱出嚟大家會想嘔咋！」

林師傑和譚嘉儀多次合作，更一起創作歌曲。