張智霖與佘詩曼等在3號風球高懸下到鬧市宣傳新戲,粉絲全程緊貼,令現場水洩不通。談到謝票方法時,Chilam更笑言要將露肉重任交予家燕姐!

阿佘接受訪問時再次澄清緋聞,一旁的Chilam則笑請家燕姐露股。

Chilam與阿佘落區派餅,逼爆中環至銅鑼灣一帶。

一眾《十月初五的月光》演員為電影進行花車巡遊,無懼三號風球。

張智霖(Chilam)、佘詩曼及薛家燕等,昨午冒着三號風球及大雨出席《十月初五的月光》電影版花車巡遊,於中環至銅鑼灣一帶派餅。Chilam粉絲一早便到尾站銅鑼灣「霸位」,高峰期雲集逾百人圍觀!

對票房有信心

Chilam認為新戲乃大家的集體回憶,故對票房信心十足。問到上映時會否效法台灣影星王大陸露股謝票?他笑說:「好彩『十月初五』係月缺,而唔係『八月十五』月圓,可以露少啲,況且咁多人喺度,實有人露得好睇過我,交畀家燕姐啦!」他又透露稍後會到內地參與另一真人騷。

阿佘單身宣言

另外,阿佘再次澄清早前的緋聞,強調目前仍是單身,相關報道不會影響日後正常社交。明年2月約滿無綫的她又透露,希望向電影界發展:「總之多謝有公司賞識我,我都想快啲有定案。(之前樂小姐約飯局說服你?)乜都有傾,大家朋友嘛!」而當薛家燕聞及Chilam推薦她露肉時即笑說:「15年前為《十》劇宣傳時,我試過着印住三點式泳衣圖案嘅T恤出嚟,不過依家唔啱着,畀啲時間我諗吓搞搞新意思。」