身為今年視后爭奪戰熱門人選之一的田蕊妮，自言有留意陳凱琳在《張保仔》中的演出，大讚對方對演戲有熱誠：「雖然唔係集集睇，但係新人嚟講第一次擔正都唔錯！」又指黃秋生批評她未必是壞事：「依家已經好少呢啲前輩，有話直講咁，就算係對做得較耐嘅演員都需要呢啲提點。」談到陳凱琳有機會角逐視后，她說：「好事嚟，冇乜特別感覺，多啲人一齊玩幾好。」

田蕊妮與胡定欣雙雙被視為視后熱門！
(資料圖片)

胡定欣

至於同樣在視后戰呼聲極高的胡定欣坦言連日為無綫新劇《城寨英雄》開工，未有留意陳凱琳在《張保仔》的演出，但明白對方感受：「我都做過新人，就算我做到依家咁，都仲要累積好多經驗，仲有好多進步空間。」談到陳凱琳有機會爭視后，曾在《名門暗戰》合作的她說：「名單出咗先再算啦！但佢真係一個好努力嘅女仔。」而入圍機會甚高的黃翠如則透露身在巴黎拍攝旅遊節目，未方便回應有關問題。