無綫「咪神」高海寧家中除擺滿靚衫靚鞋外，還有儲太陽眼鏡的興趣，珍藏數十副太陽眼鏡的她表示，價錢由數十元的韓國街邊貨到二千多元的名牌貨都有：「入行之後太陽眼鏡變咗必需品，唔化妝出街會戴超，所以一去旅行就會四出搜羅，愈買愈多！」

戴太陽眼鏡除防曬外，又可增添型格星味，難怪高海寧買到停唔到手啦！

愛上買超的高海寧大晒珍藏，卻大呻欠一個專櫃安置它們。

高海寧指近年太陽眼鏡的鏡片顏色愈出愈多，有型之餘又可以用來襯衫：「近年啲水銀片太陽眼鏡令顏色有更多選擇，多咗好多唔同襯法，好似橙色、藍色、綠色太陽鏡片都好搶眼，令到成件事好有型！」愈買愈多太陽眼鏡的高海寧亦有煩惱：「我會用眼鏡盒裝住太陽眼鏡，再放入旅行袋，可以慳地方，但問題係有時要搵副太陽眼鏡就要逐個開，都幾麻煩！希望將來自己有個衣帽間，可以整個太陽眼鏡專櫃，一目了然，容易揀嚟襯衫。」