林家棟由演員做到監製，一直以來都是自己努力爭取機會，自認是工作狂的他透露，對之前交往多年的女友感到抱歉。

談起感情事，家棟坦言他錯在過分沉迷工作。

主持人手持林家棟主演的《大鬧廣昌隆》紙板，大談昔日經歷。

林家棟接受節目《娛樂3兄弟》訪問，自爆當日上位契機。

林家棟為無綫節目《娛樂3兄弟》擔任嘉賓，並為他監製的新片《死開啲啦》宣傳。家棟於1987年參加TVB藝員訓練班入行，他自嘲外形不及同期的黃德斌和雷宇揚，故簽約多時也沒有劇拍，直至機會終於來臨，殊不知只是空歡喜一場：「我以為機會嚟，點知去到現場先知道嗰時老臨罷工，而我就係做替工。」他又透露第一個當主角的機會是他主動爭取：「當年我演一個藝進同學會嘅舞台劇，有個導演朋友提我要畀人睇到自己嘅演出，我就鼓起勇氣拎住張飛親自邀請珍姐（曾勵珍）睇，冇耐我就接到監製潘嘉德嘅電話恭喜我，話珍姐要見我，搵我做嘢。」

內疚認衰

節目中林家棟亦罕有地談及感情事，他承認過分投入工作以致忽略女友是分手的主因。問到會否對拍拖七年的前女友（馮寶寶姪女）感到抱歉？他坦言：「係我錯，係我唔好，因為我係一個工作狂，冇時間照顧人哋，冇理由叫人哋等我，人哋唔等都好正常。」 文：影視組