國際影星楊紫瓊（Michelle）昨日現身鐘錶展，她透露近日忙於拍攝美劇《絕地反擊》，其法籍未婚夫Jean Todt早前亦特地往探班：「去布達佩斯拍外景，佢有去探班，大家都知佢係邊個，都好尊重佢。」她更笑言Jean非常囉嗦：「成日叫我食多啲休息多啲，搵替身，好似多咗個阿媽咁！」對於婚禮詳情，她坦言零計劃：「乜都未，我哋好瀟灑！最緊要開心、簡單同冇壓力！」

楊紫瓊有個咁錫佢嘅未婚夫，難怪每次現身都春風滿面！

金喜善甫出場即揮手兼晒Charm爆笑容。

此外，韓國女星金喜善昨午在香港會議展覽中心出席另一鐘錶品牌活動，身穿黑色長裙的她戴上過百萬鑽石腕錶現身，問到平時如何選擇腕錶，她表示除了考慮款式及顏色外，最重要是適合自己。而她於昨午1時半抵港，身穿粉紅色大衣及高跟鞋的她現身時戴上墨鏡，可能是素顏關係，她全程以手遮面。