林芊妤去年六月發生「殘廁Gathering事件」，事隔年多仍未走出陰霾！昨日凌晨她在網上直播時重提事件，強調當日與「殘廁男」只有Kiss，沒有發生性行為，回想被家人鬧丟架及避世的日子，她激動得抽搐狂哭！

玩瑜伽極耍家的Coffee除了經常在公開活動上獻技外，亦愛在社交網大晒瑜伽技巧！

林芊妤（Coffee）近日喜愛上網與Fans互動，大晒瑜伽秘技，昨日凌晨她與網友聊天時，有大批網友重提「殘廁事件」，她亦大方剖白當日與「殘廁男富二代」發生的事情：「當日我哋去食飯，叫咗兩支紅酒，我係比較飲得，但飲咗第二杯Shooter，突然覺得好醉想嘔，於是去咗殘廁嘔，話我哋入咗去半個鐘，其實大約得九分鐘咋！我發誓我哋係有Kiss，但冇搞嘢，冇發生性行為！」她又指與「殘廁男」分別返家後有與胞兄訴苦，當時胞兄安慰她說：「你都唔紅！驚乜嘢！」但Coffee仍失眠多天，事件曝光後更令她崩潰！

令家人丟架

雖然「殘廁事件」已是去年六月的事，同時亦令Coffee人氣急升成為話題女王，但原來她一直耿耿於懷被人冷嘲熱諷，昨日凌晨她終於忍不住爆喊，更哭至全身抽搐：「件事令我覺得好對唔住家人，Daddy畀親戚啲WhatsApp我睇，話覺得好丟架！我嗰段時間人唔似人鬼唔似鬼，匿喺朋友屋企一星期冇沖涼冇刷牙，每日淨係喊！網上成日畀人話係『雞』、『殘廁』，我個心好痛！過去一年我非常負面，但有好多正面嘅留言支持，我一定要企番起身！」

四千人直擊

昨日Coffee在電話中表示有太多網友提及「殘廁」事件，直言是首次在4千人面前落淚，原本她不打算再提，但最終忍不住「山洪暴發」：「我只係想同Fans私人傾偈咁，不過講完都後悔，驚畀人覺得炒作，以後拍片會盡量講少啲私人嘢，主要拍我做瑜伽。」 文：影視組