蜜運中的唐詩詠與洪永城（Tony）一如以往Sweet爆，在亮燈活動上有傾有講，與任主持的舊愛崔建邦卻零交流！未知是否有意刁難女方，當崔建邦聽到唐詩詠笑言在《梟》劇奪走湯鎮業首次床戲後即挖苦她：「咁真係辛苦你喇阿湯！」令女方相當尷尬。

唐詩詠與洪永城受訪時隔空傳情，又不忘為劇集宣傳。

崔建邦與汪明荃齊任主持，卻公然挖苦舊愛唐詩詠。

問到最近男友Tony與陳凱琳傳緋聞，是否需要Mon實以杜絕他曳曳，詩詠笑說：「唔使啦！大家都會幫我睇住佢。（同陳凱琳同場尷尬？）唔會，同佢都好熟。」又表示明白Tony攬陳凱琳是為宣傳：「但陳展鵬會幫我教訓佢。」Tony亦坦言與陳凱琳同場不尷尬，問到會否在女友面前避忌，他說：「唔需要，都係為宣傳《張保仔》搞吓氣氛！」