除了陳凱琳，另一女神岑麗香最近亦宣布「封盤」公開戀情。昨日她透露拍拖半年的圈外男友叫「強強」，大讚來自加拿大的他心地善良：「佢好錫屋企，我哋同一個信仰，加上鬼仔鬼妹性格。（公開後男友咩反應？）平常心，最緊要大家都開心。」問他們有否曳曳不守教規，她尷尬地說：「我哋食飯前都有祈禱嘅。」她透露戀情由朋友撮合，指父母已知道：「自己係公眾人物，都要照顧番啲圈外人，唔想回應咁多。」又表示一眾好友得悉喜訊後紛紛短訊祝賀。

香香提起男友即甜笑。

黃宗澤指香香早已帶過男友給他過目。

至於曾與香香傳緋聞的黃宗澤直言為對方隱瞞戀情多時：「佢叫我阿哥，所以帶咗男朋友見我呢個家長。（覺得佢點？）好陽光，好好禮貌，印象唔錯。」又自爆曾叫她介紹女生：「鬼妹都OK。」