在《葉問3》記者會上，播出甄子丹與張晉及拳王泰臣對峙的畫面，火藥味甚濃！談到在新片中分別對戰張晉與拳王泰臣，子丹稱二人展現出不同的風格，又笑言與拳王對戲時要想好招數拆解：「演嗰陣都好驚佢嚟真，你知佢拳頭可以打死人，我都諗定點樣掃低佢，或者踢佢下陰！點知佢真係唔記得咗八爺（袁和平）教嘅招數，佢一拳打埋嚟有拳風掃過，現場睇到都嘩嘩聲！」

談到《葉》片將與荷里活大片《星球大戰7》於聖誕檔期對撼，子丹對票房有信心：「演員做好本分，每套戲都有佢嘅命數，咁我都有份拍《星球大戰8》，當然希望《星7》好，可以雙贏！」