何浩文膽生毛唔怕被人告

何浩文（Dominic）將拍電影《鴨王2－雞同鴨戀》，提到早前與袁嘉敏再掀罵戰，他前晚出席活動時說：「我有好多事要做，唔得閒去理是非嘢，邊個想講就講啦！我冇乜特別回應，好嘥我時間。」對於袁嘉敏不滿有人抽她水博見報，他寸爆說：「《鴨王2》個名大過袁嘉敏，我點解仲要同人糾纏？」提到袁嘉敏稱再被詆毀便會出律師信，Dominic反擊：「好呀！告到咪告囉！出律師信冇意思！要寄信叫你出庭先有意思，講嘢可以吸取多啲知識先。（會慎言？）唔會，我不嬲膽生毛，呢刻年少氣盛，有嗰句講嗰句！」另外，洪杰在網上大晒與新歡的合照，緋聞女友朱紫嬈則自認單身，又死撐與洪杰向來只是朋友。