張名雅繼炒車及手機被盜後，昨日她在網上晒出疑似騙徒短訊截圖，指連日來備受多個匿名短訊滋擾：「呢兩日就已經收到六個訊息，今次Post上網嘅兩個就特別假，英文都串錯！」她又呼籲網民小心騙案。

繼炒車及手機被盜後，張名雅又疑被騙徒發短訊滋擾，唔通真係黑開有條路？

前港姐冠軍張名雅（Carat）可謂相當「黑仔」，繼早前發生四車連環相撞的意外及手機被盜後，昨日她在社交平台晒出兩張疑似騙徒傳來的電話訊息截圖，備受匿名短訊滋擾的她留言呼籲網民小心騙案。當中第一個訊息便通知其手機帳戶在別人的手機中成功登入，而另一訊息顯示她的手機正在門市申請換機服務。

「英文都串錯」

Carat透過電話訪問時表示，早前公開手機被盜後依然用同一個電話號碼，但陸續收到多個短訊滋擾：「可能有騙徒睇報道知我早排被偷手機，跟住收到好似係電話供應商畀我嘅短訊，呢兩日就已經收到六個訊息，今次Post上網嘅兩個就特別假，我發現iCloud個英文都串錯。如果其他冇咗電話嘅人可能睇唔清楚就撳入裏面條Link，咁會極其危險，唔想大家畀騙徒呃。（點解人哋知你電話號碼？）唔知呀！」

冇晒啲「Friend」

暫時使用舊手機的她坦言最麻煩是遺失了很多藝人朋友的聯絡號碼及相片：「依家Artist嘅電話都唔見晒！（有唔見得光嘅相？）我唔會做變態嘢，如果畀人睇到都最多係超多自拍相，不過有密碼保護部機都應該安全！」

文：影視組