梁朝偉與老婆劉嘉玲昨日分道揚鑣出席鐘錶活動，嘉玲昨午出席伯爵錶錶展時，被問到與老公一同出席活動或拍電影是雙倍或三倍酬勞？她說：「係呀！不過唔想，大至時尚品牌，細至奶粉、抽油煙機、家品都有邀請過，但真係太熟。」

劉嘉玲抗拒與老公一起出席活動或拍電影。

偉仔暫不考慮與太太拍真人騷。

謝婷婷悉心打扮到場。

趙薇表示會與一班同學錄歌送給黃曉明作結婚賀禮。

周汶錡夫婦

陳潔儀

嘉玲更自爆當年拍電影《2046》時感尷尬：「有場戲我要勾引偉仔都唔掂，我見到佢對眼又唔會發光，佢對住我又傻傻哋。畀導演王家衛笑我，話我對其他男人唔係咁喎！可唔可以肉緊啲？（有冇畀偉仔電眼廣告對眼征服？）咁梗係有，外表當然會吸引，但佢最吸引我係心地好，咁先維持到咁耐。」她又強調不會跟老公一起拍真人騷，笑指偉仔反應慢要消化。

而梁朝偉出席積家全新腕錶系列酒會，提到嘉玲因與他太熟拍電影時感尷尬？他說：「同咁熟嘅人工作、演戲會尷尬，覺得怪，唔係咁想（合作），但唔抗拒。」並稱曾有人重金禮聘邀夫妻檔拍真人騷，但他不感興趣，暫時不考慮。

另外，提到有傳趙薇包辦好友黃曉明婚禮的紅酒，趙薇笑言未傾，但這是好提議，更會與以前訓練班的23位同學錄歌送給曉明。