蔡卓妍（阿Sa）昨日出席腕錶品牌活動，看起來眼有點浮腫，問到是否在活動前飲泣？她說：「完全冇呢回事。（有冇為分手飲泣過？）唔答喇！總之我OK。」提到與陳偉霆（William）分手，是否因他拍《蜀山戰記之劍俠傳奇》與傳緋聞的內地女星趙麗穎對劇本時公然手牽手？阿Sa對William的事一概不回應，還叫記者轉話題：「講工作，我係好鍾意工作。（投入工作忘掉情傷？）一直都好投入。」

阿Sa避談有否為William喊過，但她眼有點浮腫，似情傷未愈。

提到鍾欣潼（阿嬌）拍MV時受傷，阿Sa表示是意外：「個Shot要拍佢衝向鏡頭，佢唔小心撞到攝影機頂，搞到流血甩皮，買咗冰同佢敷，冇入院。（中頭獎好Lucky？）係，我哋一直都好Lucky。」

另外，談到其父被拍得與一名辣妹在赤柱拍拖，阿Sa表示不知情：「佢份人成日周圍講，但唔同我講，對住我怕怕醜醜，我有叫佢搵番個人照顧。（辣妹喎！）咁正！（好似細過你，接受？）媽咪得一個，如果有人陪到佢都好，最緊要佢開心。」