那邊廂，曉明Baby這對金童玉女即將在上海舉行世紀婚宴；這邊廂，另一對愛得如膠似漆的林峯與吳千語亦傳出喜訊。有讀者爆料，指稱吳母早前向密友透露，他倆正密鑼緊鼓籌備婚事，並已在灣仔訂下一百圍酒席，適逢林峯被拍得陪千語購買廚具，不禁惹來更多揣測。

千語昨日露背現身，談起「婚事」即避談。

林峯早前帶同女友吳千語出席堂妹林夏薇的婚宴，未知是否前往取經呢？

昨日千語身穿露背裝出席電影《葉問3》預告首播記者會，問到會否效法同場以超Deep V上陣大晒湯碗胸兼露背的熊黛林，她說：「未得住，太緊張！（林峯唔畀？）真係唔多畀，佢怕我走光，佢知我性格四圍郁，露背就冇所謂！」

訂造家品賀Baby

對於有爆料指其母已向身邊好友透露她與林峯忙於籌備婚事，並已在灣仔訂下一百圍酒席，她說：「如果有呢個諗法唔會隱瞞，大家唔使信呢啲，有第一手資訊會向大家講。（傾過？）呢兩年工作密晒，我要拍戲，佢要開個唱，冇時間。」對於又有指她與林峯豪花十多萬元購買廚具，她說：「睇吓啫，冇買。我鍾意煮嘢食，都會睇吓啲新焗爐。通常我負責煮，佢負責食。（手勢佳？）你問番佢啦！」再問到會否與林峯結伴出席Angelababy與黃曉明的婚禮，她說：「撞咗期，要到韓國拍戲，但之前應承咗會出席，依家諗辦法彌補，禮物就諗咗，係訂造嘅家品。」