傅嘉莉早前習騎時發生意外，傷及頸、胸和腳，又擦損面和嘴。昨日她於微博上載一張黑白策騎照，並透露出現後遺症，除了頸椎和肌肉不適外，還一直頭痛，更痛得不能入睡。

她昨日接受電話訪問時透露，面部的傷痕已經痊愈，卻出現頭痛徵狀：「我前晚開始左邊頭痛，連瞓緊都痛，係咁扎醒，醒嗰刻都仲覺得痛。（有冇食止痛藥？）冇，忍到我都忍住先。不過我好驚係腦出血，有聽過有人做運動跌親，當時表面冇傷痕，行得走得，淨係覺得好攰，但結果佢係腦出血，返到屋企瞓瞓吓過咗身。」她表示已預約醫生於下星期一照X光檢查腦及頸部，以求安心。

另外，她昨日亦自拍短片向粉絲報平安，並透露正準備去工作。將參演無綫賀歲劇的她表示將與黎耀祥有不少對手戲，令她非常期待：「因為套劇十月頭開拍，所以我想快啲調理好身體，唔想影響咗自己嘅表現。」

文：名人組