周柏豪日前在澳洲舉行演唱會，孝順的他帶埋父母同行，還陪伴58歲的母親跳降傘，激讚母親「夠薑」！雖然畏高非常淆底，但他仍頂硬上，最後兩人在14,000呎高空一躍而下，相當溫馨。

周柏豪陪母親跳降傘，完成壯舉後開心得振臂歡呼！

周媽媽勁啊！

周媽媽事後與教練合照留念，喜上眉梢。

赴澳開騷的周柏豪不忘帶埋父母當旅行，果然乖仔。

歌手周柏豪於中秋節時到澳洲墨爾本舉行《Perfect 8 演唱會》第七站，並請來師妹連詩雅擔任嘉賓。乖仔的柏豪今次自掏腰包帶埋父母睇騷兼暢遊澳洲，昨日還上載母親跳降傘的相片並留言：「我媽真的很棒，主動要求跳降傘，好吧，我就跟你再跳一萬四千呎來吧，媽，你真的很棒，我愛你。」

利誘阿爸「食檸檬」

記者昨日聯絡柏豪，本身畏高的他透過電話表示今次是媽咪主動要求玩跳傘：「佢見我上次影封套跳降傘就話想試吓，我聽到都有啲驚，始終佢年紀大，但媽咪都敢跳，就算自己驚都會陪跳。」問到母親「跳」戰成功的感覺？柏豪說：「跳之前好驚、好緊張，跳完發覺驚咗咁耐嘅嘢，做咗好開心、好滿意。」並自爆曾以「重賞」10萬港元利誘60多歲的爸爸一齊跳傘，可惜遭對方請食檸檬！

女友有Job冇同行

據知，柏豪的圈外女友Stephanie因工作關係未有同行。提到柏豪媽咪年近花甲玩跳傘，心臟科專科醫生梁達智表示高空跳傘是劇烈運動，年紀較大但身體健康良好，一樣可以玩：「刺激運動可能令人心跳加快，而且高空含氧量低，如果有呼吸道疾病或者心臟病嘅人都可能受影響。」

另一藝人丁子高昨日亦向高難度挑戰，首次玩水上飛板。

文：音樂組