李克勤昨日與組合Robynn & Kendy（R&K）和師弟周殷廷一齊宣傳其新歌《戀愛為何物》，剛完成內地節目《蒙面歌王》的克勤被問到在比賽中輸給孫楠有何感想，他說：「佢實至名歸嘅，佢係中國第一男聲吖嘛！各方面都好厲害。（網民投票你高分啲？）總之最後就係孫楠贏咗啦！我都輸得心服口服，當係音樂交流，依家內地大方向都係呢類節目，除咗名次之外都幫到喺內地嘅知名度，多咗歌迷聽我嘅歌。」問到內地工作可有增多？克勤大方承認，記者笑指難怪變成工作狂時，他笑說：「冇計啦！家庭負擔重吖嘛！」

擔起頭家的克勤接Job接到冇停手！

克勤和R&K及周殷廷玩Pool Soccer玩得不亦樂乎！