擁有40吋胸的林子善以爆肌姿態拍攝新片造型，未埋位時更抽時間舉重谷肌。他笑言很早前已經恨做鴨，問到可有想過挑戰AV界男優「朱古力波」向井裕？他笑說：「佢係繼加藤鷹後，港男第二偶像嚟！梗唔敢挑戰佢！我出嚟搞吓笑啫！」

林子善騷40吋胸，爆肌試造型。

林子善笑言不敢挑戰「朱古力波」向井裕。

談到今次扮「鴨」，他笑說：「我唔信隻隻『鴨』都係好似Dominic咁靚仔，總有啲好似我咁奇形怪狀。」說起身形，林子善坦言現時未到完美狀態：「其實都想再大隻啲，但係太大隻，啲朋友就話大過龍，要Cut番啲。」至於會否與Dominic齊齊露股，他笑說：「留番畀男主角露，佢個股先係潛力股，好多人想侵股。（想有佢個股？）佢呢啲天生麗質，阿媽生我係咁就係咁。」