無綫藝人孫慧雪（阿雪）向來身材Fit爆，早前又為新劇減到僅得一百零幾磅，她更大方地向讀者分享其獨門收身秘技，並指戒甜戒凍飲最有效，她說：「平時食飯，通常啲人叫凍檸茶、凍奶茶，我就將啲餐飲轉晒清水，食嘢次序就先食菜，之後食肉、澱粉質，三樣嘢都食先夠均衡，咁先可以幫助新陳代謝快啲，令你瘦得快啲。」

阿雪早晚必定敷補濕面膜，以補充肌膚水分。

阿雪分享獨門收身秘技，就是戒甜戒凍飲只飲清水。

阿雪透露首周減去六、七磅，兩至三周間總共減去十多磅，直到目前體重亦未有反彈：「依家返工食好多嘢，一餐食晒兩餸飯，但就照飲水，最重要走汁走糖。」她透露待減到理想磅數時，才做運動令肌肉更結實。美肌方面，皮膚白滑的阿雪卻笑稱，平日懶得搽護膚品，但早晚勤敷補濕面膜：「我哋成日要捱夜，就算得幾個鐘瞓，都要落妝敷Mask，化妝前敷補濕Mask，個妝就會好貼服，我覺得水分好重要。」