樂壇新星羅啟聰(K.I.S)熱愛音樂程度可謂爆晒燈,一直有在銅鑼灣和旺角等地作街頭表演的他,時常手執結他「走天涯」,隨處彈隨處唱,後來更養成一鋪專儲二手結他的癮,並揚言就是喜歡它有歷史、有過去,K.I.S說:「彈起上手嗰陣會感覺到上一手個主人嘅氣息,將你心入面想講嘅古仔每一粒音咁彈出嚟。」

羅啟聰認為二手結他非常保值,設計也獨一無二。

羅啟聰手執結他「走天涯」,隨處彈隨處唱。

羅啟聰家中收藏不少二手結他。

K.I.S認為二手結他除了彈起來較有味道外,其實亦非常保值:「每支結他嘅設計其實都係獨一無二,因為厚度、弧度、大小,以至所用嘅每一塊木材都唔同,所以先成就咗佢哋獨有嘅音色。」一向結他不離身的他對家中的結他都非常愛惜,不時會用乾毛巾為它們洗白白逐支清潔:「每隔三個月都會換一次線,平時就用乾毛巾抹吓表面,因為我成日都會帶住支結他周圍去,所以結他袋都係勁啲、保護力強啲,同埋會Keep住放防潮珠喺入面,怕水分會影響咗啲木材同音色!」