新人陳詩欣外表斯文兼溫文爾雅，原來打起拳來唔係人咁品，出手快、狠、準，儼如職業女拳手般厲害，她透露早年為踢走Baby Fat特意學拳Keep Fit及練氣，一打便愛上，更覺得打拳能發洩情緒，擁有完美身段的她希望盡快操到「馬甲線」。

給人感覺嬌滴滴的Eunice原來是運動健將，踢「沙包」更踢到嘭嘭聲。

Eunice在教練John指導下練拳。

戴上拳套前，教練為Eunice纏上手帶以防受傷。

文：音樂組 攝：嚴偉國

髮型：Vince Yu@IL Colpo　 服裝：New Balance　 場地：Fighting Arts Center　 教練：John Yeung

陳詩欣（Eunice）給人感覺嬌滴滴，原來是運動健將，愛跑步減壓的她近年愛上打拳，她說：「我自己係藥煲，好易病，做咗運動真係好好多。」打了年多拳的Eunice，打「沙包」時打到嘭嘭聲，問到有否試過扭傷？Eunice說：「皮外傷多，有時出錯力打錯位擦損，扭傷就未試過，最多都係手腳瘀。」貪靚的她自爆曾於出席活動前一晚操拳搞到雙腿瘀青，漏夜急急搵「救兵」，她說：「要用特別遮瑕膏遮住。」

唔驚嚇退追求者

Eunice大方公開的起心肝學拳原因，她說：「當年幫雜誌影完相，因為成個人好腫，嚇到雜誌以後唔敢再搵我，之後就的起心肝跑步同打拳減肥。」她承認打拳得到很多滿足感：「發洩情緒外，仲可以減壓，打到一身汗真係好滿足，最開心可以踢走『Bye Bye肉』。」拳拳到位的她被問到會否擔心嚇怕追求者？Eunice說：「唔會，我有好多面，運動、溫柔、斯文同清純。」

業餘拳手未夠班

問到有否想過做業餘拳手？Eunice說：「冇諗呢樣嘢，只係想Keep Fit同練氣，如果有恒心，真係好快收身。」要求完美的Eunice每晚都會做Sit Up，問到現時有否腹肌？她說：「未有，不過我嘅目標係馬甲線，希望可以練到。」