歐陽震華及萬綺雯昨日為新劇拍攝宣傳片,兩人互窒大放笑彈。萬綺雯踢爆Bobby開工瞓覺扯鼻鼾,Bobby即笑說:「我對住關詠荷都有扯……鼻鼾呀我話!」文:影視組

Bobby窒蚊蚊眼細,笑起上嚟會睇唔到路。

Bobby笑言介紹蚊蚊打隆胸化骨針,二人大放笑彈。

歐陽震華(Bobby)、萬綺雯(蚊蚊)及張頴康昨日身穿古裝,在將軍澳電視城為無綫台慶劇《東坡家事》拍攝宣傳片。向來搞笑的Bobby全程大放笑彈,拍照時以慢動作自轉之餘,又睩大雙眼,令身旁的蚊蚊忍不住狂笑!二人受訪時不停互窒,Bobby更多次語出驚人!

搣手助提神

起初蚊蚊笑指Bobby是反面教材,大爆他半夜食半箱消夜,Bobby即辯稱是幫大家買消夜。她再爆Bobby拍劇途中睡着扯鼻鼾,Bobby即衝口而出大講有味笑話:「我對住關詠荷都有扯……鼻鼾呀我話!有次拍戲我演昏迷,佢喺我身邊喊,佢Feel到我想瞓着就搣吓我隻手等我醒啲。」

自爆愛「射面」

對於蚊蚊予人大頭蝦的感覺,Bobby笑說:「佢笑嘅時候瞇晒眼,佢老公都叫我睇住佢,怕佢好似冇咗隻眼咁,睇唔到路。」蚊蚊即說:「我冇你對眼咁大,我內雙,你外雙。」Bobby搞笑說:「其實你對眼好靚,係A眼,我就B眼!」引來現場一陣笑聲!他再爆蚊蚊拍攝時為保暖,將暖蛋貼在腳上,怎料發生意外:「對腳熱到爛佢都唔醒!結果起晒水泡!」又笑她發音不準確,將「食飯」講成「射飯」,笑指較喜歡「射面」。兩人有意再合作,但蚊蚊說:「你要買護膚品畀我!再咁笑落去唔係辦法!」Bobby再發功說:「不如我介紹你打針吖!我打咗隻人面獸心針,你就打隆胸化骨針!」