羅孝勇（Sheldon）近日被《好報》獨家發現與D Cup索模女友夏意瑩（Jamie）甜蜜撐枱腳，Sheldon昨日透過電話表示因年紀漸長，故改掉以往與舊愛林欣彤低調相戀的作風，高調晒愛：「依家最重要工作先，但都會抽時間陪女友。（你哋感情穩定？）一路都順其自然。（今次咁公開晒愛？）慣咗，以前喺澳洲一返嚟就入咗行，當時覺得（拍拖）好誇張，但人大咗成熟咗，就覺得好Natural，感覺Relax咗！（叫女友現身《2打6七七八八演唱會》支持？）畀咗飛佢，等佢同Friend嚟。」至於Jamie在電話訪問中直認感情穩定：「多謝大家讚我哋Sweet。（感情穩定？）We are OK，會抽時間畀對方。（男友將舉行個唱？）會去支持佢，呢個係佢最大型嘅表演，一定要去！」

羅孝勇與女友甜蜜出巡。

夏意瑩曾為《東網Baby》拍攝性感特輯。