錢嘉樂一家四口昨日公開會晤傳媒，太太湯盈盈手抱細女Kassidy醒神示人，任影全家福，幸福滿瀉！契媽梁靖琪亦到醫院迎接。但盈盈表示暫時收肚，未言追仔，更接嘉樂旨暫停拍劇安度兩個月坐月之旅：「會專登學餵人奶，因為之前大女唔成功，今次希望餵細女半年至一年人奶。」嘉樂亦表示希望可陪伴二女成長，拍心口負「錢」責：「搵錢嘅嘢交畀我啦！」

錢嘉樂一家四口大方任影，他更與老婆恩愛咀嘴。

盈盈上載與細女的合照晒溫馨。

Toby亦前來接湯盈盈出院。

而盈盈認為Kassidy似足大女及嘉樂，但沒如嘉樂之前所言因此「發爛渣」，更冧爆說：「因為我鍾意嘉樂！」嘉樂反而覺得細女似太太，笑言各似一個「好公平」，表示未發現大女呷醋：「我哋都要估，所以對我嚟講係一個奇妙嘅旅程。」