洪永城為無綫新劇《味想天開》試造型，自爆為緋聞女友唐詩詠下廚，卻遭女友嫌棄廚藝差。他又笑言與電力十足的蔡思貝合作不擔心傳緋聞，更不用向唐詩詠「備案」。文：影視組

洪永城拍住蔡思貝宣傳新劇，唔擔心會「觸電」。

何雁詩公開戀情，大方表白鍾意男友性格好。

一眾演員為新劇《味想天開》試造型。

洪永城、蔡思貝、朱晨麗及何雁詩等昨日為新劇《味想天開》試造型，洪永城飾演小混混，他自嘲造型像「犀利哥」，笑指身為廚神之子的他有一半時間要黐脷筋。對烹飪沒有研究的他被問到可有下廚冧唐詩詠時，他說：「有煎牛扒、意粉，但佢唔滿意。（佢煮得叻過你？）佢叫NatNat，當然叻叻。（煮過咩？）烤三文魚同西餐多，希望學番幾手同佢撼過。」他又透露不擔心與電力十足的蔡思貝傳緋聞，也毋須向唐詩詠備案。

電暈周驄叔當宣傳

蔡思貝稍後要為新劇練舞，問到是否由「御用」老師兼緋聞男友麥秋成親自教授？她笑說：「唔係佢，佢跳街舞。」對於被指是「發電廠」時，她說：「連周驄叔都話我冧掂埋，惟有笑吓，我睇得好化，當幫新劇宣傳。我都鍾意睇佢嘅旅遊節目，佢好鍾意講嘢，好多理論聽。」

何雁詩公開戀情

至於何雁詩昨日凌晨在網上宣布與「白馬王子」男友拍拖，她說：「之前嘅係行內人，唔想涉及人哋，依家男友係圈外人，佢好接受到我嘅職業。（你心目中嘅白馬王子？）係呀！佢係日韓混血兒，又高大，性格又好，對我又坦白，大家用英文溝通，但用中文鬧佢佢又明，哈哈！」