關菊英昨日為《星光熠熠耀保良》綵排，上星期綵排時弄傷肋骨的她負傷上陣，高層陳家揚與監製曾憲宗到場慰問。陳家揚說：「你得唔得？唔好勉強，或者減少啲動作。」她笑說：「照做呀，已經排晒。」她又講述受傷經過：「上星期綵排有個動作要托起我，可能唔夠熱身，就咁整親。（醫生有冇叫你唔好跳？）醫生都反問仲要做番嗰個動作？嗰個動作就唔使做，但冇得唔跳啦，依家敷冰同戴住腰封。（會唔會太過搏命？）唔係，自己唔小心，熱身唔夠，同埋年紀都有番咁上下。」

關菊英為慈善出力，受傷都頂硬上。