自幼在泰國長大的泰英混血模特兒Mali，去年來港發展兼成為名模Amanda S.師妹。現時在香港生活的她自爆最愛食車仔麵，更揚言想學好廣東話，希望與偶像成龍拍電影做打女！

由泰國來港發展的Mali，迷上港式車仔麵。

勤學廣東話的Mali，希望與偶像成龍拍電影。

文：專案組　攝：吳文聰

名模Amanda S.師妹、現年21歲的泰英混血模特兒Mali，早前參加在泰國舉辦的「Thai Super Model」模特兒比賽入選20強，當時雖沒有獲得任何獎項，但竟被Amanda S.所屬模特兒公司羅致旗下，去年來港發展。

愛食車仔麵

在泰國長大的Mali，雖然要離鄉別井為事業打拚，但她對香港事物大感新鮮，更特別鍾情車仔麵：「我好鍾意食車仔麵，成日都會去食，每次有泰國朋友嚟探我，我都會帶佢哋去食！」

此外，Mali希望學好廣東話，與國際巨星成龍合作：「我好鍾意成龍，喺泰國成日都有睇佢嘅戲，覺得佢好有型同好好打！（想做打女拍戲？）如果可以我OK，首要條件係想學好廣東話，因為我依家主力喺香港發展，就算唔識講，都好想識聽，溝通方面就可以改善。」