享樂團的主音旨呈自小開始留意電影《捉鬼敢死隊》（Ghostbusters）的最新發展，更有鋪「捉鬼癮」，最愛收集不同的《捉》片玩具模型，連電影中的「吉祥物」為食鬼，都收藏了一個像真度極高的小模型，他說：「《捉鬼敢死隊》係由細到大都好鍾意嘅電影，因為我細個嗰時科幻電影唔多，呢套就係將科幻同喜劇共冶一爐嘅黑色喜劇，入面所有嘢都好鍾意。」

旨呈收藏了不少《捉》片的玩具模型及紀念品，果然係Big Fan！

旨呈自小就大愛《捉》片，當然掃盡相關收藏品！

激罕捉鬼儀器Q版背囊及外套！睇怕得旨呈先有！

《捉》片的專屬座駕「ECTO 1A」亦成為旨呈的囊中物。

長大後開始有經濟能力的他更「變本加厲」，小至手掌模型、大至《捉》片的專屬座駕「ECTO 1A」都統統收為囊中物，他說：「呢架車都係佢哋最象徵性嘅標誌，係最專屬嘅捉鬼車，雖然個車款有咗好耐，不過其實佢係6、7年前先推出番嘅復刻版，電影入面有嘅設備，車入面都有齊晒，所有捉鬼迷都好希望擁有，一見佢推出就買咗！」另外，旨呈亦收藏了捉鬼儀器的Q版背囊。