不少女士都追求透白肌膚，認為「一白遮三醜」，但口靚模張可義（Emily）卻大反其道，覺得擁有一身蜜糖色肌膚才是王道！Emily經常要到戶外工作，曬得一身光滑蜜糖膚色，但她認為曬黑了更引人注目，還因而有艷遇：「我之前去泰國做嘢，因為曬黑咗似當地人，所以唔少泰國人都誤會咗，仲吸引到唔少當地男士同我傾偈，不過佢哋係同我講泰文，溝通唔到冇下文！」

Emily自爆到泰國工作時有艷遇，唔通黑啲真係煞食啲？

經常要在外暴曬的Emily，自有一套護膚心得！

Emily喜愛在浸浴時敷Mask，讓皮膚更易吸收Mask的精華。

Emily又指泰國天氣炎熱，陽光猛烈，令她可以Keep住蜜糖膚色。不過長期在戶外暴曬會令皮膚乾燥，加上踏入秋冬季節，皮膚容易缺水，Emily表示會用獨門秘方保養肌膚：「我特別注重保濕，平時會利用浸浴時間嚟敷Mask，因為蒸氣嘅熱力會令皮膚更易吸收Mask嘅精華，咁就可以更快補水。我之後仲會搽多層保濕Cream鎖水添！咁就萬無一失啦！」