陳嘉桓和周嘉莉前晚出席慈善齋宴，早前兩人被指因爭工作而不和，前晚兩人首度公開亮相，齊聲否認之餘，席間更排排坐密密傾，以行動粉碎不和傳聞！文：影視組

陳嘉桓（右）手口並用向周嘉莉講解美容經。

陳嘉桓與周嘉莉坐埋一齊雞啄唔斷，期間不停大笑。

冼國林夫婦（前排左起）率領阮頌揚（後排左起）、陳嘉桓、周嘉莉和沈良杰，齊來支持陳德森（前排右）。

藝人陳嘉桓（Rose）、周嘉莉（Rachel）、沈良杰（Kitson）及阮頌揚（Brian）在國藝娛樂主席冼國林夫婦率領下，前晚齊齊出席慈善素宴，該素宴由陳德森導演籌劃，同場還有黃百鳴、溫碧霞和黃玉郎等。

易角只因撞期

早前有傳Rose與Rachel因爭工作鬧不和，但現場所見，二人不但一同進場，還坐埋一齊雞啄唔斷，大談美容經，相當好傾，實行以行動粉碎不和之說！

至於早前Rose主演的微電影《爸爸，對不起！》易角，變成Rachel做「女一」之事，Rose解釋：「換角嘅原因，係我拍咗之後，咁啱接咗一個旅遊節目要出埠做，而個微電影亦唔停得，所以就改咗由嘉莉去演，其實每一次演出都係一次好好學習嘅機會，能夠做過已經好開心。」而經理人公司老闆冼國林則表示，公司栽培藝人的資源一向都是平均分配，不存在偏心。