英皇藝人泳兒、許靖韻、洪卓立及女友湯怡等前晚到香港迪士尼樂園度假區試玩「詭城玩失蹤」，知道女友膽小的洪卓立坦言從未帶湯怡玩鬼屋：「有時佢喺廚房整緊咩，只要我細聲啲行入去問佢煮緊咩，佢已經嚇到喊。」連聽鬼古都會喊的湯怡自爆，農曆七月到北京拍驚慄片，每晚都要致電男友定驚。同屬膽小之人的泳兒則試過聽到行李篋無故發聲，她說：「我買咗隻公仔放咗喺篋度，聽朋友講話唔應該買呢啲公仔。」

自認膽小的湯怡幸有男友洪卓立貼身保護。

泳兒（左）與許靖韻曾遇靈異事件。

至於許靖韻亦試過與友人視像通話時，對方提醒她背後有「人」。