無綫小花林夏薇日前接受《好報》專訪，開腔大談與老公莫贊生拍拖、相戀到婚後的相處點滴，大讚老公又叻又細心，試過半夜親手燉燕窩，更親自揸車送她到外景場地，又經常捱眼瞓等她收工。問到可有慰勞老公，她說：「咁我都有下廚嘅，但佢覺得我又演話劇又做戲都好叻。（老公咁有錢，有冇叫你做生意唔做藝人？）我覺得兩樣嘢係分開，佢支持我做任何嘢，所以我就投資咗點心火鍋店。（老公打本？）我哋財政獨立。」對於苟芸慧也投資點心店，問到是否打對台，她說：「梗係唔係，大家各有特色，我哋係做傳統點心，夜晚先打邊爐，但知佢開舖頭我都開心。」

嫁到好老公的林夏薇大搞點心店，事業婚姻兩得意。

林夏薇與老公經常孖住行街街，Sweet到爆！