組合男人幫成員任賢齊、黃家強、蘇永康及梁漢文日前到台灣宣傳新碟及演唱會時遇上地震，幸四人平安無事。地震發生於凌晨時分，蘇永康還以為撞鬼，貪靚的他表示想過換衫避難：「啲人認得我，冇理由着睡衣！」梁漢文及家強則因在外地工作時遇過超級大地震，故認為今次地震屬小兒科便繼續睡覺。另外，小齊透露今次回台灣除工作外，還要趕回家裝修：「之前打風玻璃窗入晒水，如果嗰晚地震飛窗落街整傷人都唔知點算！」

蘇永康（左起）、小齊、黃家強及梁漢文暫將Keep Fit拋諸腦後，食咗先講！