歐陽震華（Bobby）與友人合資的食店昨日在銅鑼灣開幕，老友陶大宇、萬綺雯（蚊蚊）、阮兆祥、商天娥及黃長興等到賀，Bobby老婆傅潔嫻亦有現身撐場，他說：「已經係第3間，投資咗七位數，試業半個月，晚晚爆滿！（有留意無綫要藝人簽長約？）我一年拍一、兩部，簽我20年都冇用！（港姐未讀訓練班就演戲？）早年香港出生率低，等人用就梗！早啲實習仲好，培育後生都係我責任。」

Bobby與一眾老友慶祝第3間分店開業。

大宇則自爆已退股：「我自覺淨係分錢，冇貢獻，做番老本行拍戲！十月底會拍日本同馬來西亞投資嘅電視劇，仲有宣萱、吳啟華同幾個日本演員。」至於蚊蚊被問到會否入股？她說：「唔喇！Bobby做大生意，唔啱我玩，同老公都唔係生意材料。（無綫要藝人簽長約？）冇叫我，我哋係部頭合作，自由慣。」