馬國明被林敏驄上載的疑似爆粗片成為網民熱話，但向來形象甚佳的馬國明卻未有被負評，反而被網民讚夠真。馬國明多位緋聞女友包括黃心穎、唐詩詠、朱晨麗及徐佳琦都有不同睇法！黃心穎說：「其實講粗口係一好普遍嘅事，哈哈！相信大家平時都聽唔少啦！我諗佢嘅形象大部分都係緣於佢個人夠真，呢樣嘢咪更加令人覺得佢真。」而唐詩詠則說：「我呢個阿哥係好搞笑，對住我哋梗係最真嘅佢，佢呢啲真性情係幾可愛嘅。」

黃心穎為馬國明護航，認真唔話得！

至於朱晨麗則說：「我未聽過佢講粗口，係咪助語詞呀？依家好多電影、電視劇都會有粗口，最緊要係睇咩情況下講，大家咪咁敏感啦！」徐佳琦說：「我自己就唔會講粗口，覺得條片無聊，所以其他嘢就唔回應啦！」