早前於無綫劇集《鬼同你OT》中彈出的2012年港姐冠軍張名雅（Carat），本月12日晚駕車與媽媽一同由大圍寓所趕回將軍澳電視城開工時，竟發生四車連環相撞意外，幸當時車速不快，Carat未有受傷，但媽媽頭部有輕微撞到，事後Carat表示這是第一次接受酒精呼氣測試！車禍後難掩驚慌神色的她向《ontv追蹤組》說：「屋企一出條斜路，無啦啦就撞咗，前面三架車就黐埋一齊，我架車車頭都凹咗。（人冇事？）好彩大家都冇事，因為車速好慢，不過我媽咪喺後座就Chok一Chok，撞一撞到個頭，之後警察就嚟咗，叫我吹波仔，我都係第一次。」

張名雅捲入四車相撞意外，更是人生第一次吹波仔。