「綠葉王」姜皓文（黑仔）及身兼多職的張啟樂（Ben）早前應邀任東網電視《娛樂onShow》嘉賓，他們向主持李文珊大爆正籌備合唱新歌，驚喜萬分！二人更大談昔日捱窮日子：「比起驚鬼，更驚銀包冇錢！」

姜皓文（左）和張啟樂原來都有段辛酸史，最怕荷包冇錢！

姜皓文和張啟樂接受Sherman訪問，想知多啲就要留意《娛樂onShow》喇！

二人大爆偷運酒飲的「犯案過程」。

早前東網電視《娛樂onShow》邀請到「綠葉王」姜皓文（黑仔）和身兼演員、主持和經理人的張啟樂（Ben）擔任嘉賓，分享「麻甩」心事！李文珊（Sherman）提到兩人將搞搞新意思，推出合唱歌，一圓Ben多年心願，大家可能未必知道Ben是唱歌出身，他表示項目處於起步階段，但得到黑仔爽快答應合作，令他非常期待，而黑仔初時只是與Ben飲咖啡，期間被問及有興趣唱歌與否，黑仔笑說：「我以為佢講吓咋！」Ben透露邀約原因：「佢一直都好照顧我，我好欣賞佢嘅毅力同堅持。」

舞台待機偷酒飲

雖然黑仔和Ben同為亞視出身，不過在電視台的日子卻甚少合作機會，其中一次到北京出騷，兩人難得同台，當時由於等候表演的時間太長，他們居然想出一條「絕世好橋」，就是用蒸餾水樽偷運酒入場！兩人在等候期間飲酒解悶，更謊稱只是飲「普洱」，兩杯落肚後，連唱慢歌都High爆，認真搞笑！

捱夜開工瞓「凶」廠

兩位嘉賓在圈中打滾多年，可算是有經歷的人，提到最倒楣時期，他們居然經歷過一段冇錢又怕鬼的歲月！黑仔自言最慘的是冇錢但遇着交稅，而Ben則認為是冇錢兼欠下卡數，他自爆試過不惜連續開工5、60小時，要在廠內過夜！聽過不少靈異傳聞的他雖然驚鬼，但更驚銀包冇錢！

兩位嘉賓更大談愛情觀，到底已婚的黑仔和老婆有幾Sweet？而Ben又有甚麼擇偶條件？請繼續留意《娛樂onShow》啦！

文：專案組