無綫藝員楊斯雅（Cindy）的成人用品生意愈做愈旺，早前在銅鑼灣開設第三間分店。Cindy不怕「拋頭露面」，將自己的Cosplay人形紙板放在舖外做生招牌，更笑言已做「人肉售賣機」，身邊朋友不停問她攞貨！

Cindy校服Look賣萌，大增宣傳效力。

Cindy擺自己上枱做生招牌，人形紙板放滿分店門外。

旺角分店擺咗貌似高海寧嘅吹氣公仔，令Cindy勁賺錢！

形象一向斯文乖巧的楊斯雅去年踏入商界，大膽搞成人用品生意，經營有道的她很快已賺得六位數字。繼在深水埗及旺角開門市後，早前她投資十多萬港元在銅鑼灣開設分店。

「睇貨」引人注目

早前曾以貌似「咪神」高海寧的吹氣公仔放在旺角店舖招客，今次Cindy則親自落場，自製人形紙板放在店外，她戴上假髮以和服及校服Look示人，笑言這樣做宣傳效力更大。

生意愈做愈好，全因Cindy事事親力親為。變身「性女」的她無時無刻都在研究成人用品，笑言醫學常識因而進步不少：「因為要清楚先可以解釋到畀客人聽，有時我搭地鐵都會開手機研究啲貨，會畀人眼望望，但依家已經唔會尷尬！」

變身人肉售賣機

Cindy透露經營這門生意後，身邊很多朋友都大感好奇，更放膽找她研究跟性有關的用品：「有時我拎住幾盒豐胸、減肥或者健康產品，一出街就畀朋友買晒，我好似變咗人肉售賣機咁，朋友都讚我Sell嘢叻咗，唔係Hard Sell，係令人覺得有需要，而且我會嘗試同顧客做朋友，會同佢哋傾吓偈。朋友搶唔走，所以唔怕競爭大。」

文：立影