胡琳雖然出道9年，但仍保持新人態度，細心為每個計劃構想多個可能性，連首張精選碟都想全部歌曲重新編曲，更揚言要在年底舉行的演藝學院騷玩盡舞台效果，轉入另一個時空！

胡琳希望將新碟歌曲重新編曲，可惜未能成事。

出道9年的胡琳經歷高低跌宕，大個女是必然的事。

胡琳積極準備個人騷，希望為歌迷帶來耳目一新的感覺。

出道9年的胡琳早前推出首張精選大碟《All of me》，在兩隻CD中收錄18首舊歌及兩首新歌，自言常被人笑太細路女的她說：「出呢隻碟，諗番起好多發生過嘅嘢，由唱人哋歌，到自己作曲作詞，到依家真係覺得終於大個咗。」

構思被拒

曾推出逾十張碟的胡琳又笑言挑選舊歌是過程中最艱難的任務：「初初話得一隻CD 12首歌，仲要有兩首係新歌，我簡直係晴天霹靂，點揀呀？好彩後尾商量過後都爭取到兩隻碟，好彩咋！如果唔係到時頭髮又甩一半。」她又笑言起初曾妄想將所有歌重新做一次編曲，可惜遭公司反對。

回歸最初

講完「未來出碟大計」，胡琳回到現實，她表示年底已落實連開三場個人騷，場地更會回歸第一次開騷的演藝學院，她又興奮地表示很多人以為演藝的舞台單調，但其實是最多變化的舞台：「原來演藝好多機關，因為佢做好多大型舞台劇，台嘅設計係畀複雜嘅布景轉換，今次會利用番場地優點再配合多樣性。」她表示雖然個唱未必似舞台劇一樣有故事性，但可能會分不同場景，帶觀眾進入另一個時空。

文：音樂組　

攝：張福宏